Querida parroquia, xa estamos outra vez no mes de setembro, no que celebramos a festa da nosa patroa a Virxe de Darbo, uns días moi especiais para todos nos.
Esta comisión dalle a benvida a todas aquelas xentes que veñen das nosas parroquias veciñas e de toda a xeografía de Galicia, mesmo de España enteira; e especialmente dámoslle a benvida e agradecementos aos nosos veciños pola súa colaboración e gratitude posto que se non fose pola súa inestimable axuda sería imposible seguir adiante e evitar, deste xeito, que se perda esta Gran Romaría; xa que é a ilusión de todos nos, pequenos, mozos e maiores. Cultura e tradición van da man da alegría e da pasión.
Non quero despedirme sen antes recordar a todos aqueles que non se atopan entre nós, ben por traballo, ben por circunstancias da vida. Espero que estes días entre a felicidade en todos os fogares.
Por último, agradecer ás entidades públicas, Deputación e Concello de Cangas, e ás empresas privadas que colaboraron desinteresadamente para que esta Gran Romaría non se perda.
Grazas a todos en nome de toda a comisión.
Un Saúdo.
Angel Soliño González
Presidente da Comisión de Festas |