Luís Zahera saltou á fama en Galicia polo seu papel de Petróleo na exitosa serie da TVG, Mareas Vivas. Á marxe disto, participou en moitas outras series e películas, ademais de numerosas obras de teatro e curtos.
Aínda que a súa carreira desenvolveuse principalmente en Galicia, nos últimos anos deu o salto á ficción estatal, con pequenas colaboracións en series como Hospital Central ou O comisario. Máis recientemente participou en Motivos Persoais e conseguiu un papel fixo na sopapos coa vida, serie dos creadores de Aquí non hai quen viva que non puido repetir o éxito desta.
No cine destacan traballos como O lapis do carpinteiro, baseada na novela de Manuel Rivas, O ano da garrapata e, máis recentemente, Alatriste, Celda 211, Spanish movie.
PREMIOS MESTRE MATEO:
Gañador nos anos 2004, 2007 e 2009 como mellor actor de reparto. No ano 2004 coa película "El año de la garrapata", no ano 2007 coa película "Concursante" e no ano 2009 coa película "Celda 211".
UNIÓN DE ACTORES:
Nominado como mellor actor de reparto de cine coa película "Celda 211" no ano 2009.
PREMIOS EñE da TV:
No ano 2008, gañador como mellor interpretación masculina de reparto na película "Sin tetas no hay paraíso".
FESTIVAL DE CANS:
No ano 2008, premio do xurado ao mellor actor na película "Rosita y Jacinto" e no ano 2012, premio do xurado ao mellor actor na película "Conversa coa muller morta".
FESTIVAL INTERNACIONAL DE CINE DE MAR DE PLATA:
No ano 2008, nominado ao Astor de Prata ao mellor actor na película "La noche que dejó de llover".
FESTIVAL DE CINE DE ALCALÁ DE HENARES:
No ano 1999, premio ao mellor actor na película "Una luz encendida"
FESTIVAL DE CINE DE ALFÁS DEL PI:
No ano 1999, premio ao mellor actor na película "Una luz encendida"
FESTIVAL INTERNACIONAL DE CINE BAJO LA LUNA ISLANTILLA CINEFÓRUM:
No ano 2010, premio Luna Islantilla ao mellor actor na película "Marina"
FESTIVAL IBÉRICO DE CINE DE BADAJOZ:
No ano 2011, premio ONOFRE a mellor interpretación masculina na película "El premio"
